जनकपुरधाम । मधेश प्रदेश मुख्यमन्त्री तथा मन्त्रिपरिषद्को कार्यालयमा कार्यरत एक उपसचिव माथि जर्बदस्तीकरणिको मुद्दा दर्ता भएको छ ।

मुख्यमन्त्री तथा मन्त्रिपरिषद कार्यालयका कार्यरत उपसचिव रुपेश कुमार साह विरुद्ध बलात्कारको मुद्दा दर्ता भएको हो । मुख्यमन्त्री कार्यालयमा दशौं तह उपसचिव तहमा कार्यरत कर्मचारी साह विरुद्ध परिवर्तित नाम २०८०÷०८१—२० प ले गएको चैत ३० गतेका दिन जिल्ला प्रहरी कार्यालय धनुषामा जबरदस्तीकरणीको मुद्दाको जाहेरी दिएकी थिईन ।

प्रदेश सरकारले उपलब्ध गराएको कर्मचारी अवास भवनमा उपसचिव साह र जाहेर दिएकी पीडित महिलाको परिवार छिमेकीको रुपमा बस्दै आएका थिए । पीडित महिलाकी पती र उपसचिव साह एउटै कार्यालयमा कार्यरत रहेको र सोही हिसाबले दुवै जनामा मित्रता रहेकाले एउटै भवनको फरक फरक कोठामा बस्दै आएका थिए । छिमेकी रहेको हिसाबले दुवै जनाको एकअर्काको कोठामा आनजान लागि रहन्थियो ।

गत १८ माघको राती साढे १० बजेतिर  श्रीमान नरहेको मौका छोपि उपसचिव साहले भगवान प्रसाद भनेर त्यसमा नशालु पदार्थ मिसाएर बहोस गरी जबरदस्तीकरणी गरेको भन्ने कुरा महिलाले दिएकी जाहेरीमा उल्लेख छ ।

यता, उपसचिव साह मुद्दा दर्ता हुनुअघि १८ फागुनदेखि नै कार्यालयबाट विदा लिई फरार अवस्थामा रहेका छन् । मुख्यमन्त्री कार्यालयका सचिव अर्जुन गौतमले घटना वारे आफुलाई केहि जानकारी नरहेको बताए ।

उपसचिव साहले १८ फागुन देखि नै १५ दिनको विदा लिएका थिए, उनले भने,‘ विदा पनि सकिसकेको छ, तर पनि उहाँ अहिले हाम्रो सम्र्पकमा छैनन् ।’

३० चैतमा जाहेरी दिएपनि जिल्ला प्रहरी कार्यालय धनुषाले गत ७ गते मात्रै जाहेरी दर्ता गरि अनुसन्धान अगाडी बढाएको छ । घटनाको अनुसन्धानको क्रममा जिप्रकाले मुख्यमन्त्री कार्यालयलाई प्रतिवादी साह बारे जानकारी पत्राचार गरी माग गरेका छन् ।

मुख्यमन्त्री कार्यालयमा जिप्रकाले गरेको पत्राचारमा साह हाल कुन पदमा कार्यरत रहेको, मन्त्रालयको निवासमा कहिलेदेखि कहिलेसम्म बसेको, घटना भएको दिन प्रतिवादी साह माघ १८ गते कार्यालयमा कार्यरत रहेको हो÷होइनसहित प्रतिवादीको तीन विवरण खुल्ने नागरिकताको प्रतिलिपि तथा अन्य कागजातको प्रतिलिपि उपलब्ध गराई दिन हुन माग गरिएको छ ।

यता जिल्ला प्रहरी कार्यालयले आरोपित साहको  खोजतलाश गरिरहेको छ । जिल्ला प्रहरी कार्यालय धनुषाका प्रहरी उपरीक्षकले भुवनेश्वर तिवारीले मुख्यमन्त्री कार्यालयका कर्मचारी साह विरुद्ध जबरदस्तीकरणीको मुद्दा दर्ता भएको र अनुसन्धान भईरहेको बताए ।