जनकपुरधाम । नागरिकता सम्बन्धी मुद्दामा मंगलवार पक्राउ गरिएका कान्तिपुर मिडिया ग्रुपका अध्यक्ष कैलाश सिरोहियालाई आज विहान जनकपुरधाम ल्याइएको छ ।
मंगलबार काठमाडौंको थापाथलीस्थित कान्तिपुरको कार्यालयबाट पक्राउ परेका सिरोहियालाई प्रहरीले रातारात जनकपुरधाम ल्याएको हो ।
अपराध अनुसन्धान कार्यालय काठमाण्डौको गाडीमा अध्यक्ष सिरोहियालाई प्रहरीले जनकपुरधाम ल्याएको हो । प्रहरीले ब्यान लिएर जिल्ला सरकार वकिल कार्यालय धनुषा मार्फत जिल्ला अदालत धनुषामा हाजिर गराउने तयारी भईरहेको धनुषा प्रहरीका प्रवक्ता प्रहरी नायव उपरीक्षक तथा प्रवक्ता रञ्जन अवाले जानकारी दिए ।
सोरोहिया विरुद्ध किटानी जाहेरी परेपछि जिल्ला अदालतबाट पक्राउ पुर्जि जारि भएपछि प्रहरीले उनलाई पक्राउ गरेको हो । जिल्ला अदालत धनुषाका न्यायाधीश चित्रबहादुर गुरुङको इजलासले नागरिकता प्रकरणमा सिरोहियाको नाममा पक्राउ पुर्जी जारी गरेको थियो।
सिरोहियाको नागरिकतामा उल्लेखित नम्बर अर्कै व्यक्तिको नागरिकता नम्बरसँग मिलेपछि सर्लाहीका इन्द्रजीत प्रसाद महतेले गत १६ बैशाखमा जिल्ला प्रहरी कार्यालय धनुषामा किटानी जाहेरी दिएको थियो ।
सिरोहियासँग भएको नागरिकताको नम्बर धनुषाका शिवजी साहु तेलीको नाममा पनि जारी भएको पाइएको छ । शिवजी र सिरोहिया दुवैको नागरिकता नम्बर एकै रहेको विवरण मतदाता नामावलीमा पनि उल्लेख भएको पाइएको छ ।
यता, सिरोहियाले गृहमन्त्री रविलामिछानेसँग जोडिएको सहकारी संस्थाको समाचार नियमित प्रकाशित गरेपछि त्यसोको प्रतिशोधमा आफुविरुद्ध षडयन्त्र भएको आरोप लगाएका छन् ।
सम्बन्धित खबर
