ज्नकपुरधाम । पोखरीमा नुहान गएका जनकपुरधामको दुई बालकको डुबेर मृत्यु भएको छ ।
जनकपुरधाम उपमहानगरपालिका–२० देवपुरा रुपैठा बस्ने जयनारायण महतोका ६ वर्षीय छोरा शिवनन्दन महतो र राकेश पासवानका ६ वर्षीय छोरा आदित्य पासवानको पोखरीमा डुबेर मृत्यु भएको प्रहरीले जनाएको छ ।
गर्मी छल्ने घर नजिकैको रहेको साहुजी पोखरीमा नुहाउन गएका दुबै जनाको पानीमा डुबेर मृत्यु भएको हो । शनिवार नुहाउने क्रममा दुबै बालक पानी खाएरमा पोखरीमै बेहोस भएका थिए । स्थानीयले देखेपछि उद्धार गरि उपचारको लागि प्रादेशिक अस्पताल जनकपुरधाममा भर्ना गरिएको थियो ।
उपचारको क्रममा दुबै बालकको मृत्यु भएको धनुषाका प्रहरी प्रवक्ता डिएसपी रञ्जन अवाले जानकारी दिए । घटनाको अनुसन्धान भईरहेको उनले बताए ।
