जनकपुरधाम । नागरिकता प्रकरणमा प्रहरी हिरासतमा रहेका कान्तिपुर मिडिया समुहका अध्यक्ष कैलास सिरोहियालाई जिल्ला अदालत धनुषाले पुनः तीन दिन थुनामा राखि अनुसन्धान गर्न अनुमति दिएको छ ।

जिल्ला अदालत धनुषाको न्यायधिश यदुराज शर्माको इजलासले सिरोहियालाई थप तीन दिन थुनामा राखेर अनुसन्धान गर्न अनुमति दिएको हो । सरकारी वकिल कार्यालय धनुषाले थप पाँच दिन थुना राखी मुद्दाको अनुसन्धान गर्ने न्यायधिशसँग समय माग गरेको थियो ।

यस अघि सो प्रकरणमा अदालत दुई पटक ३÷३ दिन गरी ६ दिनको म्याद थपिसकेको थियो । गत शुक्रवार प्रहरी हिरासतमै सिरोहिया बेहोस भएपछि उनलाई प्रादेशिक अस्पताल भर्ना गरिएको थियो । तर उच्च रक्तचाप र मुटुको चालमा गडबढी भई त्यहाँ उपचार सम्मव नभएपछि थप उपचारको लागि जनकपुरधामको काव्या हस्पिटलमा भर्ना गरिएको छ ।

आज प्रहरीले सिरोहियालाई एम्बुलेन्सबाट गत मंगलबार काठमाडौंस्थित कान्तिपुरको केन्द्रीय कार्यालयबाट पक्राउ परेका सिरोहियालाई बुधबार अदालतमा हाजिर गराएको थियोे ।