जनकपुरधाम । नेपालमा इस्लामिक कला तथा वस्तुकलाको अन्तर्राष्ट्रिय सम्मेलन तथा प्रदर्शनी हुने भएको छ ।
मदर फाउण्डेशनको आयोजनामा अगामी नोभेम्बर १६देखि काठाण्डौमा हुने उक्त सम्मेलनमा इस्लामिक कला, वस्तुकला तथा इस्लामिक साँस्कृतिक प्रदर्शनी गरिने छ । नेपालमा पहिलो पटक हुने लागेको अन्तर्राष्ट्रिय इस्लामिक कला तथा वस्तुकलाको सम्मेलनलाई भव्य र सफल बनाउने विभिन्न जिल्लाबाट इस्लामिक कला तथा वस्तुकला प्रयोग भएको धार्मिक मस्जिद, मठ मन्दिर, गुम्बा, चर्च तथा ऐतिहासिक धरोहरहरुको तस्वीर संकलन गरि प्रदर्शनी गरिने छ ।
सम्मेलनले कला तथा साँस्कृतिकको माध्यमले धार्मिक सदभाव तथा समाजिक एकतामा टेवा पुग्ने मदर फाउण्डेशनका संरक्षक तथा पुर्व न्यायधिक डा.सलाहुदीन सिद्दिकीले बताए । हिन्दु,मुस्लिम,बौद्ध लगायतका विभिन्न धर्महरु अगल अगल भएपनि वस्तुकलाको माध्यमले एकअर्कासँग जोडिएको उनले बताए ।
उक्त सम्मेलनको लागि मधेशबाट इस्लामिक कला तथा वस्तुकला प्रयोग भएको निर्माण भएका विभिन्न मस्जिद, मठ मन्दिर तथा धरोहरहरुको तस्वीर संकलनदेखि प्रचार प्रसारका लागि तयारी ७ सदस्य तयारी समिति गठन गरिएको हो । संरक्षक डा.सिद्दिकीको प्रमुख आतिथ्यिमा आईतवार भएको भेलाबाट उक्त समिति गठन गरिएको छ ।
समितिको संयोजकमा पुर्व डिई शफी अहमद तथा सदस्यहरुमा मौलना मोस्तकिन साहव, मौलना मन्जुर साहव, राजनीतिर्की समसुल हक, हकिम राईन, मौलना अहमद रेजा, पत्रकार हदिश खुद्दार, इन्तेकाब आलम रहेका छन् ।
