जनकपुरधाम । मधेश प्रदेश सरकारकी गृह संचार तथा कानुन मन्त्री बिमला अन्सारीले वर्षायाममा आउन सक्ने विपद्को जोखिमलाई न्युनिकरण गर्न सुरक्षा निकायलाई निर्देशन दिएका छन् ।
बुधवार गृह संचार तथा कानुन मन्त्रालयले जनकपुरधाममा आयोजना गरेको मनसुनजन्य तथा आगलागीजन्य विपद् जोखिम न्युनिकरण सम्बन्धि प्रदेश स्तीय गोष्ठीलाई सम्बोधन गर्दै मन्त्री अन्सारीले यस्तो निर्देशन दिएकी हुन् ।
मनसुन सुरु भई अविरल रुपमा प्रदेशभरि वर्षा भईरहेको उल्लेख गर्दै मन्त्री अन्सारीले भनिन्,‘ कति गाँउहरु डुबानमा परेको छ । कति जना विस्थापित समेत भएको खबरहरु आईरहेको छ । त्यसकारण वर्षायाममा हुन सक्ने जोखिमलाई न्युनिकरण गर्न सुरक्षा निकाय र सरोकारवाला संघसंस्थाहरुलाई सक्रिय रहन मेरो अनुरोध छ ।’
वर्षायममा आउने सक्ने विपद्को जोखिमलाई न्युनिकरण गर्न प्रदेश सरकार गम्भिरतापुर्व लागेको उनले बताईन । डुबानमा परेको केहि स्थानहरुको आफु स्थलगत निरीक्षण समेत गरेको मन्त्री अन्सारीको भनाई थियो । गोष्ठिमा गृह संचार तथा कानुन मन्त्रालयका सचिव वीरेन्द्र कुमार यादव, नेपाल रेडक्रस सोसाईटी जनकपुरका अध्यक्ष रामनरेश सिंहसहितले मन्वत राखेका थिए ।
सम्बन्धित खबर
