जनकपुरधाम । धनुषामा एक पुरुषलाई धारिलो हतियार प्रयोग गरि हत्या गरिएको छ ।
जिल्लाको धनुषाधाम नगरपालिका–२, मङ्गलपुरमा सोमवार धारिलो हतियार प्रहारबाट स्थानीय ४५ वर्षीय भोगेन्द्र ठाकुरको हत्या गरिएको छ । पुरानो रिसवीका कारण ठाकुरलाई हत्या गरिएको जिल्ला प्रहरी कार्यालय धनुषाको प्रवक्ता रञ्जन अवाले जानकारी दिए ।
ठाकुर हत्याको आरोपमा प्रहरीले स्थानीय सुर्जिदेवी मुखिया, नागेश्वर मुखिया र मुकेश मुखियालाई प्रहरीले नियन्त्रणमा लिएको छ । प्रवक्ता अवाका अनुसार हत्या गरिएका ठाकुर र पक्राउ परेकाहरु बीच सोमवार पनि झगडा भएको थियो ।
सोही झगडाको क्रममा अर्को समुहद्वारा ठाकुरमाथि धारिलो हतियार प्रहार भएको थियो । झगडाको कारण अहिले सम्म नखुलेको उनले बताए ।
ठाकुरको शव पोस्टमाटमको लागि प्रादेशिक अस्पतालमा जनकपुरधाममा राखिएको छ भने घटनासम्बन्धमा अनुसन्धान भइरहेको प्रवक्ता अवाले बताए ।
