जनकपुरधाम । सशस्त्र प्रहरीका असई थमन विक हत्या मुद्दामा बुधबार उच्च अदालत जनकपुरले विज्ञ बोलाउन आदेश गरेको छ ।
उच्च अदालत जनकपुरका न्यायाधीश महेन्द्रनाथ उपाध्याय र खेमराज भट्टको इजलासले विकको पोष्टमार्टमको विषयमा स्पष्ट गर्न विज्ञलाई बोलाउन आदेश गरेको हो ।
२८ मंसिर २०८० मा विक हत्या प्रकरणसम्बन्धी मुद्दामा लोकतान्त्रिक समाजवादी पाटी ९लोसपा० संसदीय दलका नेता अभिराम शर्मासहित सात जनालाई जिल्ला अदालत महोत्तरीले जन्मकैद सजाय सुनाएको थियो । यस्तै नेकपा एमालेका नेता लक्ष्मी महतो कोइरी र पवन कापडलाई सफाइ दिएको थियो ।
सोही मुद्दामा जन्मकैदका सजाय पाएका शर्मासहितले समयभित्र पुनरावेदन नगरेपछि उच्च अदालत जनकपुरधामले मुद्दाको साधक सुनवाइ गरेको छ । जन्मकैद तथा २० वर्ष वा २० वर्षभन्दा माथिको सजाय पाएको मुद्दामा साधक सुनवाइ गर्ने कानुनी प्रावधान रहेको छ ।
