जनकपुरधाम । धनुषाका सहगामी फाउण्डेशले सामुदायिक विद्यालयहरुमा अध्ययनरत विद्यार्थीको शैक्षिक स्तर उकास्ने उदेश्यले विद्यालय झोला वित्तरण गरेको छ ।
बिहिवार फाउण्डेशनले धनुषाको मिथिलाविहारी नगरपालिका–१ भुतहीपर्टर्वा स्थित महरानी माई आधारभूत विद्यालयमा अध्ययनरत गरिब विपन्न १ सय २५ विद्यार्थीलाई झोला वितरण गरेका छन् ।
फाउण्डेशनका सचिव डा.अजय कुमार शाहको अध्यक्षता तथा सो वडाका वडाध्यक्ष रामसोभित दाहाको प्रमुख आतिथ्यमा झोला वितरण गरिएको हो । फाउण्डेशले प्रत्येक वर्ष सामुदायिक विद्यालयमा अध्ययनरत बालबालिकाहरुको शैक्षिक विकासका लागि विभिन्न शैक्षिक सामग्रीहरु वित्तरण गर्दै आएको स्थानीयवासी समेत रहेका सचिव डा. शाहले बताए ।
फाउण्डेशनले अगामी सप्ताहमा जिल्लाको सबैला नगरपालिकाको सामुदायिक विद्यालयमा शैक्षिक सामग्री वितरण गरिने योजना रहेपनि अहिले सम्म विद्यालयको नाम छनौट गर्न नसकिएको सचिव डा. शाहले जानकारी दिए ।
झोला वितरण कार्यक्रममा फाउण्डेशनका सचिव डा.शाहका बुवा तथा समाजसेवी विक्रम प्रसाद साह, विद्यालयका प्रधानाध्यापक पशुपति ठाकुरसहितको सहभागिता रहेको थियो ।
