जनकपुरधाम । मधेश प्रदेशका मुख्यमन्त्री सतिश कुमार सिंहले जनकपुरधामको पुरानो श्री याज्ञवल्क्य संस्कृत माविको छात्रावास भवनको उद्घाटन गरेका छन् ।
मंगलवार एक कार्यक्रम बीच मुख्यमन्त्री सिंह, शिक्षा तथा सास्कृति मन्त्री रानी शर्मा तिवारीले संयुक्त रुपमा उक्त भवनको उद्घाटन गरेका हुन् । उद्घाटन समारोहलाई सम्बोधन गर्दै मुख्यमन्त्री सिंहले मधेश प्रदेश सरकार विकासको प्रति गम्भिर रहेको बताए ।
सामुदायिक विद्यालयहरुको शिक्षाको गुणस्तर घट्दै गएको प्रति चिन्ता व्यक्त गर्दै मुख्यमन्त्री सिंहले मधेशका थोरै सामुदायिक विद्यालय मध्येमा ज्ञानकुपले शिक्षाको गुणस्तरमा ध्यान दिएको बताए ।
संघीय सरकराले शिक्षा निती नल्याउदाँ शिक्षा क्षेत्रको अवस्था निकै दयनिय रहेको बताउँदै मुख्यमन्त्री सिंहले चाँडै नै शिक्षा निती ल्याएर प्रदेशको शिक्षा अवस्थालाई सुधार गर्ने बताए ।
श्री याज्ञवल्क्य संस्कृत माविको प्रधानध्यापक संजय कुमार झाको अध्यक्षतामा सम्पन्न भएको कार्यक्रममा जनकपुरधाम उपहनगरपालिका ८ का वडाध्यक्ष दिनेश सिंह,जनमत पार्टीका केन्द्रिय सदस्य साविर राईन, विद्यालयका शिक्षक तथा विद्यार्थीहरुको सहभागिता रहेको थियो ।
प्रदेश सरकारको लगानीमो करिव ५० लाखको लागतमा उक्त तीन कोठे छात्रावास भवन निर्माण गरिएको विद्यालयले जनाएको छ ।
