जनकपुरधाम । जनकपुरधाम उपमहानगरपालिका –२४, बसहियाका वडा अध्यक्ष उपेन्द्र सहनीसहित तीन जनालाई अख्तियार दुरुपयोग अनुसन्धान आयोगको टोलीले पक्राउ गरेको छ ।
घरबाटो सिफारिसको लागि ४ लाख ५० हजार रुपैयाँ घुस लिएका वडा अध्यक्ष सहनी, सोही वडाका सचिव उपेन्द्र साह र बिचौलियाको काम गर्ने अर्को एक जनालाई पक्राउ गरिएको हो ।
आयोगलाई आएको गोप्य सूचनाको आधारमा स्थलगत रिपोर्टिङको क्रममा वडा अध्यक्ष सहनी र वडा सचिव साहसमेत तीन जनालाई पक्राउ गरिएको अख्तियार दुरुपयोग अनुसन्धान आयोगको बर्दिबास कार्यालयका सूचना अधिकृतले जनकारी दिए ।
घुसको रकम लिँदालिँदै पक्राउ परेका उनीहरुलाई कानुन बमोजिम कारबाहीको लागि आयोगको केन्द्रीय कार्यालय टंगाल पठाईएको छ ।
पक्राउ परेका तीनै जनालाई अख्तियारको टोलीले लिएर काठमाण्डौ जान खोज्दा स्थनीय नेकपा एमालेका कार्यकर्ताहरुले विरोधमा उत्रेका थिए । पछि जिल्ला प्रहरी कार्यालय धनुषा र सशस्त्र प्रहरी उल्लेखनिय संख्यामा परिचालन गरि तीनै जनालाई काठमाण्डौ लगिएको हो ।
सम्बन्धित खबर
