जनकपुरधाम । मधेश प्रदेशका खेलकुद तथा समाज कल्याण मन्त्री प्रमोद कुमार जयसवालले मुस्लिमसहित समग्र महिलाको विकास बिना मधेश प्रदेशको सम्वृद्धि नहुने दावि गरेका छन् ।
नेपाल मुस्लिम महिला कल्याण समाजले बुधवार जनकपुरधाममा आयोजना गरेको सबै प्रकारमा महिला विरुद्धको हिंसा(सिडा) महासंघले घोषणा गरेको १६ बुँदे घोषणापत्र कार्यन्वयमा मुस्लिम महिलाको अवस्था र चुनौति विषय कार्यक्रमलाई सम्बोधन गर्दै मन्त्री जयसवालले यस्तो बताएका हुन् । संविधानमा महिलालाई अधिकार दिएपनि व्यवहारमा अझैपनि त्यो लागु हुन नसकेको उल्लेख गर्दै उनले भने,‘महिलाको अवस्था दयनीय छ, त्यसमा पनि मुस्लिम महिलाको अवस्था अझै कमजोर छ ।’
कुनैपनि धर्मले मानवलाई नैतिकवान बनाउँछ,उनले भने,‘ धर्मको अपव्यख्या गरेर महिलामाथि हिंसा गर्ने काम भएको छ । त्यसकारण धर्म सास्कृतिले देखाएको सकरात्मक सन्देश प्रवाह गर्नु आवश्यक छ ।’ इस्लाम धर्ममा तीन तलाकको व्यस्था श्रीमान श्रीमती बिचको द्वन्द तथा मतभेद व्यस्थापनको लागि ल्याएको छ, उनले भने,‘ त्यसलाई गलत व्यख्या गरेर इच्छा विरित महिलालाई घरवार बिहिन बनाउने काम भइरहेको छ ।’
कार्यक्रममा नेपाल मुस्लिम महिला कल्याण समाजकी अध्यक्ष सिमा खानले राज्यको विभेदकारी नितीको कारण मुस्लिम महिला पछाडि परेको आरोप लगाईन ।
आफु २० वर्षदेखि आफु समाजिक क्षेत्रमा कार्य गर्दै आएको उल्लेख गर्दै उनले भनिन, मुस्लिम महिला पारिएको छ र आफ्नैको कारण पनि पछाडि परेको छ ।’ शिक्षा र जनचेतनाको अभावको कारण मुस्लिम महिला पछाडि परेको उनले सुनाईन् । कार्यक्रममा महिला अधिकारकर्मी जनबुल खानसहित मधेश प्रदेशका विभिन्न जिल्लाबाट मुस्लिम किशोरीहरुको सहभगिता रहेको थियो ।
