जनकपुरधाम । मधेश प्रदेश सरकारले पर्यटन प्रवद्र्धन र प्रचारप्रसारलाई प्राथमिकतामा राखेर काम अघि बढाएको छ ।
मधेशको पर्यटन प्रवद्र्धन गर्ने उदेश्यले प्रदेश सरकारले ‘घुमौँ मधेश, बुझौँ मधेश’ कार्यक्रम अघि सारेर त्यसको संयोजकमा सर्लाहीका विकाशकुमार ठाकुरलाई नियुक्त गरेको हो ।
नेपाल फाउन्डेसनको संस्थापक भएर पर्यटन प्रवद्र्धनमा योगदान गर्दै आएका कविलासी नगरपालिका–७, गैर निवासी ठाकुरलाई मधेश प्रदेश सरकारले मधेशको पर्यटन प्रवद्र्धनको अभियान संचालनको संयोजन गर्ने जिम्मेवारी दिएको हो ।
मुख्यमन्त्री सतिशकुमार सिंह र उद्योग वाणिज्य तथा पर्यटन मन्त्री सकिल मियाँले ठाकुरलाई नियुक्त पत्र प्रदान गरेका छन्। नजिकिँदै गरेको विवाह पन्चमी र गढीमाई मेला प्रमुख प्राथमिकता रहेको संयोजक ठाकुरले बताएका छन ।
