जनकपुरधाम । पुर्व प्रधानमन्त्री एवं नेपाली कांग्रेसका सभापति शेर बहादुर देउवा आज जनकपुर आउने भएका हुन् ।
धनुषाको जनकपुरधाम उमहानगरपालिका –२५ लोहनामा पार्टीले आयोजना गरेको एक कार्यक्रममा सहभागी हुन कांग्रेस सभापति देउवा जनकपुर आउन लागेका हुन् । विगतमा भएका लोकतान्त्रिक आन्दोलनमा जेलनेल भोगेका स्वर्गिय अरविन्द ठाकुरको प्रतिमा अनावरण गर्न पार्टी सभापति देउवा आज बिहान हवाईजहाज मार्फत जनकपुर आउन लागेको काँग्रेसका मधेश प्रदेश प्रचार विभाग प्रमुख नितेश कुमार गुप्ताले जानकारी दिए ।
सभापति देउवा आज दिउँसो १ बजे लोहनामा आयोजित ठाकुरको प्रतिमा अनावरण कार्यक्रममा सहभागी हुने र त्यस अघि प्रदेशका साँसद तथा प्रदेशका मन्त्रीहरुसँग छलफल गर्ने कार्यक्रम रहेको छ । सभापति देउवा आज बेलुका काठमाण्डौ प्रस्थान गर्ने कार्यक्रम रहेको प्रचार विभाग प्रमुख गुप्ताले बताए ।
