जनकपुरधाम । धनुषाको लक्ष्मीनिया गाउँपालिकामा आफ्नै घर भित्रै एक महिलाको शव गाडिएको अवस्थामा फेला परेको छ ।
जिल्लाको लक्ष्मीनिया गाउँपालिका–५ बनिनियाकी २० वर्षीया अञ्जली यादवको शव आफ्नै घरभित्र रहेको पूजाकोठाबाट प्रहरीले सडेगलेको अवस्थामा प्रहरीले बरामद गरेको छ । स्थानीयले अञ्जली र उनकी श्रीमान हरिराम यादव वेपत्ता भएको प्रहरीलाई जानकारी गराएपछि प्रहरीले अनुसन्धान थालेपछि उक्त घटना सार्वजनिक भएको हो ।
अञ्जलीको शव शनिवार दिउँसो पुजा कोठामा गाडी अवस्थाबाट बरामद भएको जिल्ला प्रहरी कार्यालय धनुषाका प्रहरी नायव उपरीक्षक वरुणबहादुर सिंहले जानकारी दिए । घटना पश्चात अञ्जलीकी श्रीमान हरिराम यादव र १० महिनाको छोरी वेपत्ता फरार रहेको छ ।
स्थानीयका अनुसार गत शनिबार रामहरि र अञ्जलीबीच विवाद भएको थियो । त्यसको भोली पल्ट नै रामहरिले आफ्ना छरछिमेकमा श्रीमत बेपत्ता भएको सुनाएका थिए । गत मंगलवारदेखि उनी आफ्नै बेपत्ता रहेका छन् ।
अञ्जलीको हत्या गरि घटना ढाकछोप गर्न श्रीमान हरिरामले शव गाडेको हुन सक्ने प्रहरीको शंका छ । प्रहरी नायव उपरीक्षक सिंहले शव उत्खनन गरेर प्रादेशिक अस्पतालमा पोस्टमार्टमको लागि पठाइएको सकेको र घटनाको अनुसन्धान भईरहेको बताए ।
सम्बन्धित खबर
