जनकपुरधाम । मधेश सरकारका गृह, सञ्चार र कानूनी मन्त्री राजकुमार लेखीको सुरक्षामा खटिएका प्रहरी सहायक निरीक्षक (असई) बिरेन्द्रकुमार यादवको मृत्यु भएको छ ।
सिरहाको सिरहा नगरपालिका– २५ सुखचैना घर भएका असई यादव मन्त्रीको लेखीको निवासको सँगै जोडिएको निवासमा सुतिरहेको वेलामा आईतवार राती एक्कासी पेट दुखेपछि जनकपुरधामकै गोदवरी अस्पतालमा भर्ना गरिएको थियो । त्यहाँ उपचार सम्मव नभएपछि थप उपचारको लागि सोमवार विराटनगरको नोवेल अस्पतालमा लगिएको थियो । त्यही उपचारको क्रममा सोमवार राती मृत्यु भएको मधेश प्रदेश प्रहरी कार्यालयका प्रवक्ता बरिष्ठ प्रहरी उपरीक्षक शान्तिराज कोइरालाले बताए ।
असई यादव मधेश प्रदेश प्रहरी गण जनकपुरधाममा कार्यरत थिए । त्यहीबाट उनलाई गृहमन्त्रीको सुरक्षामा खटाएको थियो । मन्त्री लेखिका अनुसार असई यादवको आन्द्रमा पहिला नै समस्या थियो । त्यसको औषधी उनी नियमित सेव गर्दै आएका थिए । करिव ३ दिन अघि मात्रै सोही मन्त्रालय अन्तर्गत रहेका शहिद प्रतिस्ठानका सदस्य रामनरेश यादवको यादव मधेश भवनकै क्वाटरमा मृत अवस्थामा भेटिएका थिए । मन्त्री लेखिले सदस्य यादव पहिलादेखि विरामी रहेकोले औषधी सेवन गर्दै आएका थिए ।
मन्त्री लेखिका अनुसार घटना भएको राती यादवले श्रीमतिसँग कुराकानी गरेको र विहान उहाँका आफन्त डेरामा पुग्दा उहाँ मृत भेटिएको थिए । घटनाको पराम्भिक विवरण अनुसार सदस्य यादवको ह्दयघातका कारण मृत्यु भएको हुन सक्ने मन्त्री लेखिले बताए ।
सम्बन्धित खबर
