जनकपुरधाम । मधेश प्रदेशका साँसदहरुले सिरहाको औरही गाउँपालिका–५ मा विष्णु यज्ञको नाममा डोम समुदायको घर भत्काउनेहरुलाई गाउँपालिका अध्यक्षसहितलाई कडा करर्वाहीको माग गरेका छन् ।
विहिवार बसेको प्रदेश सभाको वैठकको शुन्य समयमा बोल्दै एकिकृत नेकपा माओवादीका साँसद मिला कर्णले विष्णु यज्ञको नाममा दलित समुदायलाई उठिवास गर्ने गाउँपालिका अध्यक्षसहित बाबाहरुलाई कडा कारर्वाही गर्न माग गरेकी छिन् । कानुनी रुपमा नेपालमा छुवाछुत समाप्त भएको दशकौ भईसक्दापनि व्यवहारमा अहिले पनि छुवाछुत, तल्लो र उपल्लो जात फरक हाम्रो समाजमा कायम रहेको बताउँदै उनले भनिन,जव सम्म यस्ता व्यक्तिहरुलाई करर्वाही गरिदैनन् । तव सम्म यस्ता घटनाहरु हुनेगर्छन् ।’ उठिवासमा परेका परिवारलाई तत्काल समुचित बसोवासको व्यवस्था मिलाउन माग समेत गरेकी छिन् ।
शुन्य समयमै जसपा नेपालकी प्रदेश सासद ललिता दासले सर्वसधारण व्यक्तिभन्दा पनि एक गाउँपालिकाका जनप्रतिनिधीले डोम समुदायलाई अछुत भन्दै घर नै उठिवास गराउनु मानवता विरोधी कार्य गरेको आरोप लगाईन । यज्ञको नाममा कसैलाई उठिवास नै लगाउने मानसिक रोगीहरुलाई कडा कारर्वाही गरिएन भने यस्ता मानसिक रोगीहरु बढ्दै जाने उनले बताईन ।
शुन्य समयमै प्रदेश साँसद निलम कुमारी रजकले पनि औहरी गाउँपालिका–५ मा दलित समुदायको घटनाको घोरभत्र्सचना गर्दै दोषिलाई कारर्वाहीको माग गरेकी छिन् ।
यता, १७ चैतदेखि हुन लागेको विष्णु महायज्ञ स्थल नजिक रहेको दिपक मरिकको घरको घर भत्काईएको थियो । यज्ञ स्थल नजिक अछुत डोमको घर राख्न नहुने बजरंगि बाबाले आदेश दिएपछि गाउँपािलका अध्यक्ष यादवले डोजर लगाएर मरिकको घर भत्काएका थिए ।
सम्बन्धित खबर
