जनकपुरधाम । जनमत पार्टीका केन्द्रीय कारिकारणी समिति सदस्य एवम् सांस्कृतिक जनमत संघका केन्द्रीय अध्यक्ष सन्तोष राज सहनी र साँस्कृतिक जनमत संघकी उपाध्यक्ष सेलिना कुँवरले एकैदिन विभिन्न पाँच वटा योजनाका संयुक्त रुपमा शिलान्यास गरेका छन् ।

धनुषाको कमला नगरपालिका वडा नम्बर २ सराबे टोलस्थित शहरी विकास मन्त्रालयबाट आएको चालीस लाख बजेटमध्ये पाँच वटा पिसिसि ढलान बाटोको शिलान्यास गरिएको हो ।

सोमबार सराबेको विभिन्न गल्लीमा परेको शहरी विकास मन्त्रालयको योजना मध्ये पाँच योजनाको शिलान्यास गरिएको छ । नेता सहनीका श्रीमति समेत रहेकी उपाध्यक्ष कुँवरले सँयुक्त रुपमा शिलान्यास गरेका छन् ।

कमला नगरपालिका वडा नम्बर २ को विभिन्न टोलमा सहनीले योजना ल्याएको बताएका छन् । उनले तेलियाहा र सराबेमा योजना सँचालन गरेको बताए । उनले यो आर्थिक बर्षमा करिब १ करोड रुपैयाँको बजेट ल्याएको बताए ।