जनकपुरधाम । नेकपा एमाले धनुषा जिल्ला कमिटीको अधिबेशनमा भोला यादव नेतृत्वको प्यानल बिजयी भएको छ ।
पार्टीका केन्द्रिय सचिव रघुबीर माहासेठ निकट भोला यादव नेतृत्वको प्यानल सानदार जीत हात पारेको छ ।जिल्ला अध्यक्ष पदका उम्मेदवार भोला यादवले ४०२ मत प्राप्त गर्दै विजयी भएका हुन । उनका निकटतम प्रतिद्वन्द्वी अर्थात केन्द्रिय सदस्य उमाशंकर अरगडीया निकट अध्यक्ष पदका उम्मेदवार लक्ष्मीनारायण यादवले २०० मत प्राप्त गरे ।
उपाध्यक्ष पदमा तेजनारायण यादव विजयी भएका छन्। उनले ४३० मत ल्याउँदै जयप्रकाश सुनरैतलाई २७० मतको फराकिलो अन्तरले पछि पारे। सुनरैतले १६० मत प्राप्त गरेका छन् ।
सचिव पदमा भोला प्यानलका दीपनारायण ठाकुरले ३६५ मत ल्याउँदै प्रतिद्वन्द्वी धिरेन्द्र मण्डलमाथि १४० मतको अन्तरले हराएका हुन । मण्डलले २२५ मत प्राप्त गरेका छन्।
उपसचिव पदमा सबिन विक्रम थापा विजयी भएका छन्। उनले हरिकिशोर यादवमाथि १८५ मतको अग्रता बनाउँदै पद हात पारेका छन् ।
महिला उपसचिवतर्फ रुका कुमारी मिश्रले ३९१ मतसहित विजयी हुँदै किरण कापरलाई पछि पारिन्। कापरले १८४ मत प्राप्त गरेकी छन् ।
लेखा समितिको संयोजक पदमा वीरेन्द्रलाल कर्ण विजयी भएका छन्। उनले १५८ मतको अन्तरले प्रतिद्वन्द्वीलाई पराजित गरेको निर्वाचन समितिले जनाएको छ । निर्वाचन शान्तिपूर्ण तर प्रतिस्पर्धात्मक वातावरणमा सम्पन्न भएको निर्वाचन समितिले जनाएको छ । यस अघि २२ जेठमा मतदान तोकिएपनी दुई पक्ष बीच कुटाकुट तथा झडप भइ निर्वाचन स्थगित भएको थियो ।
सम्बन्धित खबर
