जनकपुरधाम । नेपाली काँग्रेसबाट पर्सा निर्वाचन क्षेत्र नम्बर २ मा उम्मेदवारी दिएका पुर्व मन्त्री अजय चौरसियाका बाँगी राजेश्वर साहले आफ्नो उम्मेदवारी फिर्ता लिएका छन् ।
शुक्रवार उम्मेदवारी फिर्ताको निवेदन दर्ता गराउँदै साहले औपचारिक रूपमा उम्मेदवारी फिर्ता लिएको क्षेत्र नम्बर २ का निर्वाचन अधिकृत मधुसूदन आचार्यले जानकारी दिए ।
उम्मेदवारी फिर्ता लिएपछि साहले आफू नेपाली कांग्रेस समर्थक रहेको उल्लेख गर्दै पार्टीभित्र समन्वय नहुँदा स्वतन्त्र रूपमा उम्मेदवारी दिन पुगेको बताए । उनले अवदेखि आफु सो क्षेत्रमा रहेका कांग्रेसका आधिकारिक उम्मेदवार चौरसियालाई पुर्ण समर्थन र सहयोग गर्ने स्पष्ट गरे ।
निर्वाचन अधिकृत कार्यादलयका अनुसार उम्मेदवारी फिर्ता लिने प्रक्रिया सम्पन्न भइसकेपछि निर्वाचन कार्यालयले सबै क्षेत्रका उम्मेदवारहरूको अन्तिम नामावली प्रकाशन गरेको छ । आजै सबै उम्मेदवारलाई निर्वाचन चिन्ह प्रदान गरिएको मुख्य निर्वाचन कार्यालयले जनाएको छ ।
