जनकपुरधाम । प्रदेश कृषि विकास सम्बन्धि व्यवस्था गरेको विद्येयक आज प्रदेश सभामा टेबुल गरिएको छ ।
आज बसेको प्रदेश सभाको वैठकमा प्रदेशका कृषि भुमि व्यवस्था तथा सहकारी मन्त्री गोविन्द न्यौपानेले प्रदेशको कृषि विकासको लागि प्रदेश कृषि विकास सम्बन्धि व्यवस्था गरेको विद्येयक टेबुल गरेका हुन् । कृषि कानुनको अभावमा मधेश प्रदेशमा कृषि विकास सम्बन्धी कार्य प्रभावित हुने गरेकोले प्रदेश सरकारले प्रदेश कृषि विकास सम्बन्धी विद्येयक ल्याएको मन्त्री न्यौपानेले जानकारी दिए ।
कृषि सम्बन्धी कानुन निर्माण भएको खण्डमा प्रदेश सरकारलाई कृषिको दिगो विकास गर्न सहजता हुने बताउदै मन्त्री न्यौपानेले भने,‘ यसले यहाँका किसानका साथै सरोकारवालाहरुले कृषि सम्बन्धी झेल्दै आएको समस्या समाधान हुनेछ ।’
प्रदेश सभाको वैठक अगामी वैठक १७ गते बस्ने गरि आजको शुक्रवार बसेको प्रदेश सभको वैठक स्थगित भएको प्रदेश सभामुख रामचन्द्र मण्डलले जानकारी दिए ।