जनकपुरधाम । धनुषा र महोत्तरीको सिमामा पर्ने रातु पुल नजिकै एक व्यापारीको ९ लाख ६० हजार रुपैयाँ लुटिएको छ ।
धनुषाको बरहरीस्थित चित्रा आयल स्टोरका कर्मचारी धुव्र कुमार बस्नेत आज विहान साढे १० बजेको समयमा पेट्रोलियम पर्दाथको लागि ९ लाख ६० हजार रुयैपाँ लिएर महोत्तरीको बर्दिवासस्थित एक बैंकमा डिपोटि गर्न गईरहेको वेलामा रातु पुल नजिक अज्ञात समुहले हतियार देखाएर पैसा लुटि फरार भएका छन् ।
एल्फाबेट खुल्न नसकेको कालो रंङ्गको ५३१ नम्बरको एप्पाची मोटरसाईकलमा तीन जनाको समुहमा रहेका हतियारधारी अज्ञात समुहले बस्नेत चढेको मोटरसाईकलमा पछाडिबाट ठक्कर दिए लडाएका थिए । दुई जनाले हतियार देखाउदै बस्नेतले झोलामा राखेको पैसा लुटि धनुषाको किसाननगर तर्फ भागेको पेट्रोलियम डिलर एशोसिएनका जनकपुरधामका महासचिव सत्रुधन यादवले जानकारी दिए ।
उक्त घटनाको क्रममा त्यहाँ रहेका स्थानीयवासीहरुले हतियारलेस अपराधिहरुलाई केहि गर्न नसकेको उनले बताए ।
पेट्रोलियम डिलर एशोसिएनका जनकपुरधामका अध्यक्ष विष्णु देव साहले पैसा लुटेर फरार भएका अज्ञात समुहलाई खोजी गरि कानुन अनुसार कारर्वाही गर्न माग समेत गरेको छ ।
यता, मधेश प्रहरी कार्यालयका प्रवक्ता तथा प्रहरी उपरीक्षक श्यामबाबु महतोले पैसा लुटने गिरोहको खोजि कार्य तिव्र रुपमा भईरहेको बताए । उनले महोत्तरी र धनुषाका प्रहरीले संयुक्त रुपमा गिरोहलाई खोजी रहेको बताए ।
