जनकपुरधाम । नेपाली कांग्रेस केन्द्रिय कार्य समितिको निर्णय अनुसार सर्लाही जिल्लाको २०० सय वडाहरुमा यहि माघ १६ गते सहिद दिवसको दिनदेखि “समुदायमा कांग्रेस अभियान” संचालन गर्ने भएको र नेपाली कांग्रेस मधेस प्रदेश प्रचार प्रमुख नितेश कुमार गुप्ताले जानकारी दिए ।
उनका अनुसार केन्द्रले ‘समुदायमा जाऔं, जनताका कुरा सुनौं’ अभियानको नारा तय गरेको छ । यो अभियान माघ १६ गते देखि २६ गते सम्म जनताका अपेक्षा, सुझाव र गुनासा सुन्ने गरी अभियान सञ्चालन गर्न लागिएको प्रचार प्रमुखले वताए ।
सो अभियान संचालनको लागि कांग्रेसको केन्द्रिय प्रतिनिधिको रूपमा गणेश लामा र नेपाली कांग्रेस मधेस प्रदेश उप सभापति चन्द्रशेखर कुमार यादबलाई खटाइएको छ । नेपाली कांग्रेस सर्लाहीका सभापति सुरेन्द्र प्रसाद सिंहको अध्यक्षतामा बसेको बैठकले सर्लाही को सबै वडामा अभियान संचालन गर्ने निर्णय गरेको छ ।
