जनकपुरधाम । गत आर्थिक वर्ष २०८०÷०८१ मा प्रहरीले मधेश प्रदेशका विभिन्न जिल्लाबाट १ अर्व ४८ करोड राजस्व संकलन गरेको छ ।
मधेश प्रदेश प्रहरी प्रमुख कार्यालय जनकपुरधामका अनुसार गत आर्थिक वर्षमा प्रदेशका ८ वटै जिल्लाबाट भन्सार छलि गरि ल्याएका मालसमान पक्राउ गरि १ अर्व ४७ करोड ९८ लाख ४२ हजार राजस्व संकलन भएको हो ।
मधेश प्रदेश प्रहरी कार्यालय जनकपुरधामका प्रहरी उपरिक्षक सुभाष चन्द बेहराका अनुसार गत आर्थिक वर्षकामा सप्तरीबाट २ करोड ५० लाख रूपैयॉ राजस्व संकलन गरिएको छ । त्यसैगरि, सिरहाबाट २ करोड ९३ लाख,धनुषाबाट ९ करोड ५७ लाख र मोहतरीबाट ८ करोड ६४ लाख रूपैयॉ राजस्व संकलन गरिएको छ ।
त्यसैगरि सरलाहीबाट ८ करोड १६ लाख,रौतहटबाट ५ करोड २२ लाख, बाराबाट ५७ करोड ४० लाख र पर्साबाट ५३ करोड ४६ लाख रूपैयॉ संकलन गरिएको मधेश प्रदेश प्रहरी कार्यालयले जानकारी दिएको छ ।
प्रहरीका अनुसार गत वर्षको तुलनामा यस वर्ष भन्सार छलेर भित्रयाइको समानबाट ५३ करोड बढी राजस्व संकलन गरिएको छ । प्रदेश भरिका सिमा नाकाहरू व्यापक कडाईका कारण भन्सार छलेर लयाइएको समानबाट उक्त परिणाममा राजस्व संकलन गरिएको उपरिक्षक बेहराले बताए ।
सम्बन्धित खबर
