जनकपुरधाम । जनकपुरधाम उद्योग बाणिज्य(जउवा) संघको उपाध्यक्ष पदमा उम्मेदवारी दिएका लक्ष्मण साह निर्विरोध निर्वाचित भएका छन् ।
साहका प्रतिस्पर्धि विश्वनाथ साह सुडीले आफ्नो उम्मेदवारी लिएपछि साह निविरोध निर्वाचित भएको निर्वाचन समितिका संयोजक ललित साहले जानकारी दिए । उपाध्यक्षमा निर्विरोध भएका साह यस अघि उपाध्यक्ष पदमै पराजित भएका थिए । तर यस पटकको निर्वाचनको उनको अवस्था राम्रो रहेको व्यापारी माझ चर्चा थियो ।
२९ भदौमा हुने संघका निवर्तमान वरिष्ठ उपाध्यक्ष मनिष रमण साह, पुर्व वरिष्ठ उपाध्यक्ष जितेन्द्र प्रसाद साह र पुर्व कोषाध्यक्ष सुरेन्द्र भण्डारीले अध्यक्ष पदमा उम्मेदवारी दिएका छन् ।
त्यसैगरि, संघको वरिष्ठ उपध्यक्षमा मनोज कुमार साह, विकास कुमार चौधरी र अम्भु प्रसाद साह, महिला उपाध्यक्षः रिंकु साह,माया कुमारी र सरिता ठाकुर, महासचिवः फुलदेव पण्डित,गणेश कुमार साह र अशोक कुमार चौधरी, सचिवः नरेन्द्र विक्रम साह,राकेश पजियार,श्रवण कुमार साह र गोपि कुमार साह, कोषाध्यक्षः रामचन्द्र पजियार,कोषाध्यक्षः मनोज कुमार शर्मा,राकेश कुमार साह र परमेश्वर साहले उम्मेदवारी दिएका छन् ।
त्यसैगरि, एशोसिएट सदस्यः दिपक कुमार साह र अभिषेक कुमार चौधरीले उम्मेदवारी दिएका छन् । सदस्यहरुमा रमेश महतो,सन्तोष कुमार गामी,मणिशंकर प्रसाद साह लगायतले उम्मेदवारी दिएका छन् ।
सम्बन्धित खबर
