जनकपुरधाम । जिल्ला प्रहरी कार्यालय धनुषाके हिरासतबाट भागेका ९ जना मध्ये २ जनालाई प्रहरीले पक्राउ गर्न सफल भएको छ ।
गए राति करिव साढे तीन बजेको समयमा हिरासत कक्षको भेन्टिलेशन फोडेर ९ जना थुनुवा फरार भएका थिए । पछि प्रहरीले सज अप्रेशन संचलन गर्दा स्थानिय जनक चोकबाट एक जना र अन्य ठाँउमा एक जनालाई तत्कालै पक्राउ गर्न सफल भएको धनुषाका प्रहरी प्रवक्ता प्रहरी नायव उपीक्षक रञ्जन अवाले बताए ।
लागु औषध मुद्दामा थुनुवा रहि फरार भएका सिरहा नगरपालिका– १३ का ३३ वर्षीय अभास्कर कुमार यादवलाई प्रहरीले केहि समय अघि मात्रै पक्राउ गर्न सफल भएको छ । भने ७ जना थुनुवा अझै फरार अवस्थामा रहेको छ ।
प्रवक्ता अवाका फरार हुनेमा ४ जना लागूऔषध र तीनजना शान्तिसुरक्षा तथा अभद्रव्यवहार मुद्दामा पक्राउ परेका थुनुवा हुन् ।
लागूऔषध मुद्दाका जनकपुरधाम उपमहानगरपालिका –२१ रुपैठाका अमितकुमार झा, धनुषाको विदेह नगरपालिका– ७ गिद्धाबेलापट्टीका २६ वर्षीय रञ्जित मण्डल, २४ वर्षीय रोशन कुमार मण्डल र धनुषाको औरही गाउँपालिका– २ का २३ वर्षीय विशाल मुखिया छन् ।
यस्तै शान्तिसुरक्षा तथा अभद्रमुद्दाका जनकपुरधाम उपमहानगरपालिका– १ का १७ वर्षीय सुमित मेस्तर, नगराइन नगरपालिका– २ का १८ वर्षीय मनिष मण्डल र जनकपुरधाम– ४ का २२ वर्षीय विक्की कार्की रहेका छन् ।
उनीहरुको खोजी कार्यका लागि प्रहरीले सिमावर्ति क्षेत्रसहित सम्भावित स्थानहरुमा सर्च अप्रेसन चलाएको छ । भरपर्दो भौतिक पुर्वाधार, थुनावा कक्षाको सुरक्षामा व्यापाक सुरक्षाकर्मी खटाईने तथा सिसि क्यामराको निगरानीमा भएपनि थुनुवा भाग्नु गम्भिर विषय रहेकोले प्रहरीले सुक्षम तरिकाले घटनाको अनुसन्धान गरिरहेको उनले बताए ।
सम्बन्धित खबर
