जनकपुरधाम । मधेश प्रदेश सरकारले वन जंगलको फडानी तथा अतिक्रमण रोक्न पहिलोपटक ५२ जना वनरक्षक भर्ना गर्ने भएको छ । मधेश प्रदेशको वन तथा वातरण मन्त्रालयको सिफारिसमा प्रदेश लोक सेवा आयोगले प्रदेशका ८ वटै जिल्लामा लागि पहिलो चरणमा ५२ जना वनरक्ष भर्नाको लागि सूचना प्रकासित गरेको छ ।
वन तथा वातारण मन्त्रालयका अनुसार सप्तरीमा ७ सिरहामा ११, धनुषा ६, महोतरीमा ७, सर्लाहीमा ९, वन अनुसन्धान केन्द्र सर्लाही १, रौतहट १९, बारा १० र पर्सामा २३ जना गरी प्रदेश भरिमा ९३ जना वनरक्षकको दरबन्दी खाली रहेको छ । तर पहिलो चरणमा ५२ जना वनरक्षक भर्नाका लागि लोक सेवा आयोगले सूचना प्रकासित गरेको छ ।
प्रदेशमा लामो समयदेखि वनरक्षकको अभाव रहेको थियो । वनरक्षकको अभावमा प्रदेशममा वनफडानी तथा वन अतिक्रणको लगायतका समस्या रोक्न तथा आम मधेशी युवाहरुलाई रोजगारी दिने उद्देश्यले वनरक्षक भर्ना गर्न लागिएको वन तथा वातारणमन्त्री त्रिभुवन साहले जानकारी दिए ।
‘जनशक्ति अभावले वन जंगलको संरक्षणमा समस्या भइरहेको थियो’, मन्त्री साहले भने, ‘अर्कोतर्फ युवाहरु रोजगारी नपाएर विदेश पलायन भइरहने समस्या देखिएको छ । त्यसकारण वनरक्षकको भर्ना गर्न लागेको छौँ ।’ यसअघि वन मन्त्रालयले ६ जना वनअधिकृत र एक जना भूजलाधारतर्फ वन अधिकृत भर्ना गरिसकेको मन्त्री साहले बताए । यता, रोजगारि नपाएर निरास रहेका युवाहरु प्रदेश सरकारले वनरक्षकमा जागिर दिन सुचना प्रकासित गरेपछि ग्रामिण क्षेत्रका युवाहरु उत्साहित भएका छन् । ढिलो भएपनि प्रदेश सरकारले युवाहरुलाई लक्ष्ति गरि वनरक्षकमा जागिर दिन लागेपछि युवाहरु उत्साहित भएका हुन ।
