जनकपुरधाम । सवारी दुर्घटना परि धनुषामा एक शिक्षकको मृत्यु भएको छ ।
जिल्लाको मिथिला नगरपालिका–४ पुष्पवलपुर निवासी पूर्णबहादुर विश्वकर्माको सोमबार राति सवारी दुर्घटनामा परेका थिए ।
स्थानीय राष्ट्रिय आधारभूत विद्यालयमा अध्यापन गराउँदै आएका विश्वकर्मा राती मधेश प्रदेश ०२ ००७प ५०२० नम्बरको स्कुटी राती गईरहेको अवस्थामा बा. १८ च. ८७६८ नम्बरको स्कारपियो ठकर दिएका थिए ।
दुर्घटना परि गम्भिर घाइते भएका विश्वकर्माको प्रादेशिक अस्पताल जनकपुरधामा आज दिउँसो उपचारको क्रममा मृत्यु भएको इलाका प्रहरी कार्यालय महेन्द्रनगरका प्रहरी निरीक्षक सोनुकुमार साहले बताए । मृतकका शव पोस्टमाटम पश्चात परिवारजनलाई जिम्मा लगाईएको छ ।
यता, विश्वकर्माको निधन भएको शोकमा मिथिला नगरपालिका नगरभरिका सामुदायिक र संस्थागत विद्यालयमा मङ्गलबार एक दिनको शोक बिदा दिइएको छ ।
