जनकपुरधाम । मधेश प्रदेशका मुख्यमन्त्री सतिशकुमार सिंहले अस्पतालहरुमा गर्ने गरेको छड्केको बिषयमा जवाफ माग्ने जनकपुरधाम उप–महानगरपालिकाका उप–प्रमुख किशोरी साहले बताएका छन् ।

जनकपुरधामको स्वास्थ्य क्षेत्रमा भूइचालो आएको बेला मोवाइल अफ गरेर बसेका जनकपुरधाम उप–महानगरका प्रमुख मनोजकुमार साहको अनुपस्थितिमा उप–प्रमुख साहले भने–‘हाम्रो अधिकार खोसिएको त छैन् तर, हामीलाई बाइपास गरियो ।’
सरकार ढल्ने सम्भावना जति जति बढ्दै गएको छ मुख्यमन्त्री सिंह जनकपुरधामको अस्पतालहरुमा छड्केलाई त्यति त्यति तिव्रता दिएका छन् । उनले भने–‘अनुगमन गर्ने अधिकार हामी संग छ, हामीले कसलाई सोध्छौ कसलाई सोध्दैनौ त्यो हाम्रो अधिकार हो ।’ मुख्यमन्त्री सिंहले थालेको अनुगमनमा मात्रै सानो अस्पतालहरुलाई टारगेट गरिएको छ ।

‘मुख्यमन्त्री सिंह मात्रै दर्ता हेर्ने गरेका छन्, नेपाल सरकारको मापदण्ड अनुसार अस्पताल सञ्चालनमा छ कि छैन् हेर्दैन्’–‘एक जना विज्ञले भने–‘जनकपुरधामका ठूल ठूला होस्पिटलहरु मापदण्ड विपरीत सञ्चालनमा छ ।’

जनकपुरधाम उप–महानगरपालिकाका उप–प्रमुख किसोरी साहले मुख्यमन्त्री राम्रो काम गर्दै छन् कि खराव उहाँ संगको बैठकमा प्रश्न गर्ने बताए ।

जनकपुरधाम उप महानगर–७ का विवेक साह भन्छन्–‘अहिलेका मुख्यमन्त्रीलाई मधेश प्रदेशका मुख्यमन्त्री नभनौ उहाँ जनकपुरधामका मेयरको भूमिकामा हुनुहुन्छ, मधेश प्रदेशका मुख्यमन्त्री भएको भए वीरगञ्ज देखि राजविराज सम्मको अस्पतालमा छड्के गर्नु हुन्थयो । उहाँका आसेपासे अहिले बार्तामा व्यस्त हुनु हुन्छ । बुहारी कुटेर सासु धम्काउने काम हुँदैछ ।’

जनकपुरधाम–५ का मुसाफिर साहले भने–‘अस्पतालहरुमा अनुगमन होस, नेपाल सरकारका नम्स नमानेकाहरुलाई कारवाही होस तर, पैसाको चलखेल हुनु परेन् । हामी सुन्दैछौं कि मुख्यमन्त्री जी सामूहिक कुरा भन्दा वान टु वान कुरा गर्न बढी रुचाउनु हुन्छ ।’