जनकपुरधाम । मधेश प्रदेशसभाको बैठक आज बोलाइएको छ ।
मधेश प्रदेशसभाको आज बस्ने बैठकमा आर्थिक कार्यदिशाबारे छलफल हुने प्रदेशसभा सचिवालयले जनाएको छ । तर प्रतिपक्ष दलहरुले बजेट विनियोजनमा छलफल हुनका लागि रेडबुक उपलब्ध नगराइएसम्म प्रतिपक्षी दलहरु बजेटको छलफलमा सहभागी नहुने जसपा नेपाल मधेश प्रदेशका प्रमुख सचेतक राम अशिष यादवले जानकारी दिए ।
प्रदेश सभाको बैठकमा विनियोजत बजेटमा छलफल गर्नु अघि बस्ने कार्य व्यवस्था परामर्श समितिको बैठकबाट बजेटको बारेमा छलफल भएपछि मात्रै आफु सभाको बैठकमा सहभागि हुने उनले बताए ।
प्रदेशसभा सचिवालयले जनाए अनुसार बुधबार बस्ने हाउसमा आर्थिक कार्यदिशाबारे छलफल हुने छ । तर प्रतिपक्षी दलले भने रेडबुक उपलब्ध नभएसम्म सहभागी नहुने स्पष्ट बताउँदै आएको छ ।
सम्बन्धित खबर
