जनकपुरधाम । महोत्तरीको औरही नगरपालिकाको प्रमुख र उप प्रमुखमा निर्वाचित लोकतान्त्रिक समाजवादी पार्टी (लोसपा)का उम्मेदवार शुक्रवार नगरमा विजयी जुलुस प्रदर्शन गरेका छन् ।
औरही नगरपालिकाको प्रमुखमा लोसपाका प्रदिप कुमार खडका र उपप्रमुखमा पुनः दोस्रो पटक लोसपा कै रेनु झा विजयी भएकी हुन् । खड्का लामो समय काँग्रेसमा आवद्ध रहेपनि पार्टीले टिकट नदिएपछि उनी लोसपामा प्रवेश गरेका थिए । खडकाले ६ हजार ६७ मत र उपप्रमुख झाले ५ हजार ८सय ८ मत ल्याएर विजयी भएको औरही निर्वाचन अधिकृत सरोज कुमार गोइतले बताए।
उनका निकटतम प्रतिद्वन्द्वी नेपाली काङ्ग्रेसका सुनिल कुमार यादवले ५ हजार ७ सय ४७ र उपप्रमुखमा रेखा यादवले ५ हजार ६ सय ५ मत ल्याएका छन ्।
नगर प्रमुख खडका ३सय२० र उपप्रमुख झा २ सय ३ मतले आफ्ना निकटतम प्रतिद्वन्द्वीलाई पछाडि पार्दै विजयी भएका हुन् । औहरी नगरपालिकामा मेयर काँग्रेस, एमाले, जसपा, माओवादी केन्द्र, लोसपाका सहितका उम्मेदवारी परेपनि मुख्यप्रतिस्र्धा काँग्रेस र लोसपाका उम्मेदवार बीच भएको थियो ।
