काठमाडौं । सोमबार कान्तिपुर बचत तथा ऋण सहकारी संस्थामा बचर्को एउटा समूह र कर्मचारीबीच वादविवाद भएको छ । सहकारीले मागेजति बचत रकम फिर्ता गर्न नसकेपछि बचतकर्ता आक्रोशित भएको थियो । सहकारीका अनुसार बिहीबार सफ्टवेयर सिस्टममा समस्या आउँदा बाहेक कारोबार भइरहेको बताए ।
बचतकर्ताले झिक्न चाहेको जति रकम भने सहकारीले दिन सकेको छैन । साउनसम्म एक जनालाई एक पटकमा १ लाख रुपैयाँसम्म रकम झिक्न दिएको सहकारीले पछिल्लो समय २५ हजारको सीमा तोकेको थियो । आइतबारदेखि दैनिक एक जनालाई १५ हजार रुपैयाँभन्दा बढी बचत रकम झिक्न नपाउने सीमा तोकेको कान्तिपुर सहकारीका प्रबन्धक प्रेम लामाले बताए ।
पछिल्लो समय सहकारीमा संकलन हुने बचतभन्दा झिक्ने रकम बढी हुुुँदा तरलता समस्या बढ्दै गएको उनको भनाइ रहेको छ । यो समस्या कान्तिपुरमा मात्र होइन, धेरै सहकारीमा देखिएको छ । काठमाडौं, कुलेश्वरको गौतमश्री, ललितपुरको देउराली, धरानको बराह जस्ता ठूला सहकारीमै समस्या देखिएका कारण बचतकर्ताको सहकारी संस्थामाथि विश्वास डगमगाएको छ ।
सुशासनमा चलेका सहकारी संस्थामा पनि रकम झिक्न वचतकर्ता बढेका छन् । खासगरी गौतमश्री सहकारीमा देखिएको समस्याले सहरी क्षेत्रका सहकारीका काउन्टरमा पैसा जम्मा गर्नेहरु नगण्य पुगिरहेका छन् भने झिक्नेहरुको ताँती लामो छन ।
सम्बन्धित खबर
