महोत्तरीमा शिक्षकको कुटाइबाट एक जना छात्रा घाइते भएकी छन् । औरही नगरपालिकास्थित प्रसाद माध्यमिक विद्यालयमा अध्ययनरत एक छात्रा शिक्षकको कुटाइबाट घाइते भएकी छिन् । कक्षा ६ मा पढ्ने आरतीकुमारी महरालाई गृहकार्य नगरेको भन्दै शिक्षकले निर्ममतापूर्वक बाँसको लठ्ठीले हानेर घाइते बनाएको खुलासा भएको छ ।
छात्राको अहिले अस्पतालमा उपचार भइरहेको छ ।विज्ञान विषयका शिक्षक दिपेश यादवले गृहकार्य नगरेको भन्दै निर्घात कुटेको छात्राको परिवारको आरोप रहेको छ । बालिकाको शरीरभरी लठ्ठीको चिन्ह देखिएको छ । यसैको पीडाले ज्वरो आएको उपचारमा संग्लन स्वास्थ्यकर्मीले जानकारी दिएका छन । विद्यालयले पनि शिक्षक यादवले कुटेको स्विकार गरेका छन ।
कुटाइपछि होहल्ला भएपछि अभिभावक राखेर घटना गुपचुप बनाउन खोजेको अभिभावकहरूको गुनासो छ । विद्यालयका प्रधानाध्यापक शिवशरण यादवले आफुहरुलाई बोलाएर उपचार खर्च भन्दै पैसा दिन खोजेको तर आफुहरले नमानेको बलिकाका बुबा साजेन्द्र महराले बताए ।
सम्बन्धित खबर
