काठमाडौं, असोज २९ गते ।
आगामी कार्तिक ५ गते सत्तारुढ गठबन्धनले जनकपुरधाममा संयुक्त भेला गर्ने भएको छ । गठबन्धनले देशका सातै प्रदेशमा संयुक्त भेला गर्न लागेको हो ।
नेपाली कांग्रेस, नेकपा माओवादी केन्द्र, नेकपा एकीकृत समाजवादी र राष्ट्रिय जनमोर्चाको बैठकले प्रदेशस्तरीय भेला गर्ने निर्णय गरेको हो ।
कात्तिक ४ गते पोखरामा हुने संयुक्त भेलाको समन्वय नेकपा एकीकृत समाजवादीले गर्ने छ । यस्तै ४ गते नै बुटवलमा, ५ गते विराटनगर र जनकपुरधाममा तथा ६ गते सुर्खेतमा हुने भेलाको नेपाली कांग्रेसले समन्वय गर्ने छ ।
६ गते धनगढीमा र ७ गते काठमाडौंमा हुने प्रदेशस्तरीय संयुक्त भेलाको समन्वय गर्ने जिम्मेवारी भने नेकपा माओवादी केन्द्रले पाएको छ ।
भेलामा सबै दलका शिर्ष नेताहरुको उपस्थिति रहने छ ।
सम्बन्धित खबर
