प्रहरीले प्रतिबन्धित लागुपदार्थ ब्राउन सुगरसहित सिरहाबाट दुई जनालाई नियन्त्रणमा लिएको छ।
प्रहरीले जिल्लाको धनगढीमाई नगरपालिका ५ तेतिस बिघा सडकमा १० ग्राम ९ सय २० मिलिग्राम अवैध लागु पदार्थ ब्राउन सुगरसहित धनगढीमाई १३ का २२ वर्षीय बलराम यादव र १८ वर्षीय हरिनारायण यादवलाई नियन्त्रणमा लिएको हो। इलाका प्रहरी कार्यालय लहानबाट खटिएको प्रहरीले चेकजाँच गर्ने क्रममा स ८ प २२९९ नम्बरको मोटरसाइकलमा दक्षिणबाट उत्तरतर्फ आइरहेका बेला उनीहरूको साथबाट २९ हजार नगदसहित ब्राउन सुगर जस्तो देखिने पदार्थसहित नियन्त्रणमा लिएको जिल्ला प्रहरी कार्यालय सिरहाका सूचना अधिकारी डीएसपी सुवाश बुढाथोकीले जानकारी दिए।
यस सम्बन्धमा थप अनुसन्धान भइरहेको जिल्ला प्रहरी कार्यालय सिरहाले जनाएको छ ।