काठमाडौंको सुन्धारास्थित मुसफिर मदिनी मस्जिद भत्काउने प्रयास भएको छ । गएराति डोजरसहित आएकाे अज्ञात समूहले मस्जिद भत्काउने प्रयास गरेका थिए । प्रहरीले मस्जिद भत्काउन प्रयोग भएको डोजरसहित चार जनालाई नियन्त्रणमा लिएको छ । पक्राउ परेकाहरूलाई प्रहरी वृत्त जनसेवामा राखिएको छ ।मस्जिद बनाउँदा केही स्थानीयको जग्गा अतिक्रमण गरेको भन्दै उक्त मस्जिदबारे स्थानीयले पटक–पटक भत्काउने प्रयास गर्दै आएका छन् । धरहराको ठीक पछाडि ६ आना ३ दाम क्षेत्रफलमा रहेको यो मस्जिदको स्वामित्व नेपाल सरकारसँग रहेको छ ।
भोगचलन मस्जिद व्यवस्थापनले गर्दै आएको छ । यसअघिसमेत स्थानीयले उक्त मस्जिद भत्काएका थिए । पक्राउ परेकाहरूमाथि अनुसन्धान भइरहेकाे प्रहरीले जनाएकाे छ ।