जनकपुरधाम । आइसीसी क्रिकेट विश्वकप–२ एकदिवसीय प्रतियोगितामा युएई विरुद्ध नेपालले शानदार जित हासिल गरेकोमा मधेश प्रदेशका मुख्यमन्त्री सरोज कुमार यादवले नेपाली टोलीलाई हार्दिक बधाई ज्ञापन गरेका छन् ।
विश्वकप छनौट प्रतियोगितामा नेपालले गौरवपुर्ण जीत हासिल गरेको भन्दै मुख्यमन्त्री यादवले नेपाली टीम, प्रशिक्षक तथा खेलाडीहरुलाई बधाई दिएका हुन् । नेपाललाई विश्वकपमा स्थान दिलाउने खेलाडि मधेश प्रदेश प्रदेशका मुख्य खेलाडि आरिफ शेष र गुलशन झालाई मुख्यमन्त्री यादवले विश्वेष धन्यवाद दिदै दुई जनालाई जनहि नगद दुई लाखको दरले प्रदान गर्ने घोषणा गरेका छन् ।
दुई खेलाडिले मधेश प्रदेशको मान बढाएकोमा मुख्यमन्त्री यादवले दुई खेलाडिलाई प्रोत्सान स्वरुप दुई लाखको दरले नगद प्रदान गर्ने घोषणा गरेको मुख्ययन्त्रीका प्रेस सल्लाहकार सीताराम अग्रहरीले जानकारी दिए ।
सम्बन्धित खबर
