फाएजा फहमीदा
जनकपुरधाम । आन्तरिक राजस्व कार्यालय जनकपुरले गत आर्थिक वर्ष २०७९÷ ०८० मा वार्षिक लक्ष्य पुरा गर्न असफल भएको छ ।
गत आर्थिक वर्षमा वार्षिक लक्ष्य ३ अर्ब ७० करोड ६८ लाख १० हजार रुपैयाँ रहेकोमा सो कार्यालयले गत असार मसान्त सम्म लक्ष्यको ९२ दशमलव ९४ प्रतिशत अर्थात ३ अर्ब ४४ लाख मात्र राजस्व संकलन गर्न सफल भएको हो । कार्यालयले आयकर तर्फ १ अर्ब २३ करोड,घरभाडा करबाट ४ करोड ८७ लाख,ब्याजबाट ६ करोड ११ लाख,आन्तरिक भ्याटबाट १ अर्ब राजस्व संकलन गरेको छ ।
त्यसैगरि, आन्तरिक अन्त शुल्कबाट १ अर्ब ९ करोड,स्वास्थ सेवा करबाट ७ लाख ४२ हजार र शिक्षा सेवा करबाट ३५ हजार राजस्व संकलन भएको आन्तरिक राजस्व कार्यालयका प्रमुख किशोर बर्तौलाले जानकारी दिए । उनले विश्व व्यापीको भएको आर्थिक मन्दी, करोना महामारीको प्रभाव र रुस युक्रेन युद्धका कारण कतिपय व्यवसायीले व्यापार बन्द गरेर पलायन भएकाले पनि राजस्व संकलनमा प्रभाव भएको बताए । धनुषा जिल्लामा रहेका धेरै कतिपय साना तथा मझौला घरेलु उधोगहरु बन्द हुदाँ पनि राजस्व प्रभावित भएको उनले बताए ।