जनकपुरधाम । झण्डै चार महिना पश्चात बसेको मधेश प्रदेश सभाको दोस्रो अधिवेशनको पहिलो वैठक शोक प्रस्ताव पारित गर्दै सम्पन्न भएको छ ।

लामो समय पश्चात आज दिउँसो २ बजे बसेको प्रदेश सभाको वैठक क्यान्सरको कारण निधन भएकी प्रदेश सभा सदस्य विन्दु कुमारी यादवप्रति शोक प्रस्ताव पारित गर्दै सम्पन्न भएको छ । वैठकमा इजराल र हमास बीच भईरहेको लडाईमा मानिएका १० जना नेपाली प्रति पनि श्रद्र्धाञ्जली व्यक्त गरिएको थियो ।
म्धेश प्रदेश सभाको अर्को वैठक अगामी २९ गते बस्ने गरि स्थगित भएको प्रदेश सभा सचिवालयका सचिव रंजित यादवले बताए । मधेश प्रदेश सरकारको सिफरिसमा प्रदेश प्रमुख हरिशंकर मिश्रले आज मंगलवार बस्ने गरि प्रदेश सभाको दोस्रो अधिवेशन आह्वान गरेका थिए । पहिलो अधिवेशन ३१ असारमै सम्पन्न भएको थियो ।