काठमाडौं । नेपालले चालु आर्थिक वर्षको पाँच महीनामा ४ खर्ब ८० अर्ब रुपैयाँ रेमिट्यान्स भित्रिएको नेपाल राष्ट्रबैकले जारी गरेको वित्तीय विवरणले देखाएको छ ।नेपाल राष्ट्र बैकँले शुक्रवार सार्वजनीक गरेको साउन देखि मंसिरसम्मको अवधिमा उक्त विप्रेषण आप्रवाह गरेको हो । गत आवको सोही अवधीको तुलनामा यो वर्षको विप्रेषण आप्रवाह २३ प्रतिशतले बढेको हो । अघिल्लो वर्षको सोही अवधिमा विप्रेषण आप्रवाह ६.३ प्रतिशतले घटेको थियो । यो २३ प्रतिशतले बढेको हो ।राष्ट बैकँको अनुसार अमेरिकी डलरमा विप्रेषण आप्रवाह १३.१ प्रतिशतले बढेर ३ अर्ब ७१ करोड पुगेको छ । अघिल्लो वर्ष यस्तो आप्रवाह ६.८ प्रतिशतले घटेको थियो ।विश्वव्यापी फैलिएको कोरोनाको कारण वैदेशिक रोजगारी सुस्ताउँदा नेपालको रेमिट्यान्समा प्रतक्ष प्रभाव पारेको थियो । कोरोना कहर कम भएसँगै बढेको वैदेशिक रोजगारीका कारण पछिल्लो समय ठूलो संख्यामा नेपाली युवा विदेशिएका छन् । रेमिट्यान्स प्रवाह कम हुँदा नेपालको वैदेशिक मुद्रा सञ्चितिमा दवाव परेको भन्दै सरकारले आयातका सामानमा प्रतिवन्ध नै लगाएको थियो ।