जनकपुरधाम । राष्ट्रपति रामचन्द्र पौडेलले आज सोमवार विहान जानकी मन्दिरमा पुजाअर्चना गरेका छन् ।
नेपाली सेनाको विशेष विमानबाट सोमवार साढे ८ जने जनकपुरधाम आईपुगेका राष्ट्रपति पौडेल जानकी मन्दिरमा बिशेष पुजापाठ गरेका हुन् । जानाकी मन्दिरका महन्त रामतपेश्वर दास सहितका मधेश प्रदेश सरकारले राष्ट्रपति पौडेललाई बिशेष स्वागत गरेको छ । करिव आधा घण्टा सम्म जानकी मन्दिरमा पुजाअर्चना गरेका राष्ट्रपति पौडेल अहिले मधेश प्रदेशका प्रदेश प्रमुख हरिशंकर मिश्रले आयोजना गरेको विशेष चियापान कार्यक्रममा सहभागि भएका छन् ।
राष्ट्रपति पौडेललाई स्वागत गर्न मधेश प्रदेशका मुख्यमन्त्री सरोज कुमार यादव, तथा मधेश प्रदेश सरकारमा भौतिक पुर्वाधार मन्त्री कृष्णा यादव, स्वास्थ्य तथा जनसंख्या मन्त्री विरेन्द्र सिंह, उद्योग तथा पर्यटन मन्त्री सुनिता यादव जनकपुर बिमानस्थलमा पुगेका थिए । पुजापाठको क्रममा राष्ट्रपति पौडेललाई स्वागत गर्न नेपाली काँग्रेसका नेता बिमलेन्द्र निधी सहितका सहभागिता रहेको थियो ।
दिउँसो १ राष्ट्रपति पौडेलले नेपाल सरकारको १२ करोडको लागनीमा जनकपुरधामा निर्मित महेन्द्र नारायण निधी मिथिला र्साँस्कृति भवनको उद्घाटन गर्ने कार्यक्रम रहेको छ ।
भवनमा जनकपुरधाम उपमहानगरपालिकाले राष्ट्रपति पौडेललाई नागरिक अभिनन्दन गर्ने कार्यक्रम रहेको छ । नागगिरक अभिनन्दन कार्यक्रम पश्चात जनकपुरधामस्थित नेपाल राष्ट्र बैंकले आयोजना गर्ने दिवास खाजा कार्यक्रममा सरिक पश्चात आजै तीन बजे उनी काठमाण्डौ फर्केने कार्यक्रम रहेको जनकपुरधाममा मेयर मनोज कुमार साहले बताए ।