धनुषा–सिरहा जोड्ने कमला नदीमा नयाँ पुल निर्माण गर्नुपर्ने माग राख्दै इन्जिनियरहरुले गठन गरेको संघर्ष समितिले आज मधेशका मुख्यमन्त्री सतिश कुमार सिंहलाई ज्ञापनपत्र बुझाउन लागेको छ ।
इन्जिनियर, सिरहा सदरमुकामका बुद्धिजिवि, युवा र केहि जनप्रतिनिधिको टोली मुख्यमन्त्रीलाई ज्ञापनपत्र बुझाउन जनकपुरधाम जान लागेका हुन् । उनीहरुले माग पुरा गर्न मुख्यमन्त्रीलाई १५ दिने अल्टिमेटम दिने बुझिएको छ ।
संघर्ष समितिले साउन २४ मा सिरहा सदरमुकाममा प्रदर्शन गरेको थियो । आज मुख्यमन्त्रीलाई ज्ञापन पत्र बुझाउने र १५ दिनभित्र मधेश सरकार नयाँ पुल बनाउन तयार नभए मुख्यमन्त्री कार्यालयमा आमरण अनसन बस्ने संघर्ष समितिले जनाएको छ ।
कमला नदीमा ०६८ मा पुल निर्माण सुरु भयो । १० वर्ष लगाएर पुलको करिब ९९ प्रतिशत काम पुरा गरियो । तर सामान्य बाढीमै पुलको तीन वटा पिलर भासियो । भासिएको पुल अब काम नलाग्ने भएको इन्जिनियरहरुको भनाई छ ।
सम्बन्धित खबर
