मो.इन्तेखाब आलम
जनकपुरधाम । लोक अस्था र समाजिक एकताको रुपमा प्रसिद्ध मधेशका महापर्व छठ आज धुमधामका साथ मनाईदै छ । चार दिन सम्म चल्ने छठ पर्वको तेस्रो दिन अर्थात आज विहिवार साँझ व्रत बसेका श्रद्र्धालु भक्तजनहरु अस्ताउँदो सुर्यको अर्घ दिएका छन् । शुक्रवार विहान उदाउँदो सुर्यको अर्घ दिएपछि यो पर्व विधिवत रुपमा सम्पन्न हुने छ । छठ पर्वको अवसरमा जनकपुरधामको गंगासागर, धनुषा सागर, अरगजा पोखरी, दशरथ तलाउसहितको स्थानमा धुमधामका साथ छठ पर्व मनाईएको छ ।
विहानैदेखि स्वच्छपुर्वक छैठमा लागि परिकारहरु भुस्वा, टकुवा, लडु लगायतका तयार पार्छन । ति सबै समानहरुलाई बासको डालोमा राखि सुर्य अस्त हुनुभन्दा अभावै कुनै जलासय नदि वा पोखरीमा छठ पुजा गर्छन । करिव ४० घण्टा सम्म भुखै बस्ने ब्रातालुले घण्टौ सम्म पानीमा उभेर अस्ताउदो सुर्य र उदाउदो सुर्यलाई अर्घ दिन्छ
छठ पर्व मनाउने महिला वा पुरुष व्रतालुले औशि तिथि लागेसँगै माछामासु वा मनसाहारी भोजन त्याग गर्छन् । तिहारको चौथौ दिन नित्य कर्मपछि ब्रतमा बस्नेहरु लसुन, प्याज, उसिना चामलको भात वाहेक शुद्ध शकाहारी खाना, खीर दुध केरा खान्छन् । पञ्चमी तिथिमा दिनभरि निराहारपछि रातिमा गर्ने पुजा र फलाहारको यस दिनलाई खर्ना भनिन्छ ।
षष्ठीका दिन ब्रत बसिन्छ र ब्रत बस्नेहरुले अन्नजल ग्रहण गर्दैन ।
पछिल्लो केहि वर्ष यता तराई मधेशमा धुमधामका साथ मनाई छठ पर्व यतिवेला नेपालको पहाड तथा भारतका विभिन्न राज्यहरुमा लोकप्रिय हुदै गएको छ ।
