जनकपुरधाम । बृहत्तर जनकपुर क्षेत्र विकास परिषद्का तत्कालिन निर्देशक बलराम ठाकुर ठगी आरोपमा पक्राउ परेका छन् ।
ठगी तथा सरकारी छाप र दस्तखत किर्ते आरोपमा ठाकुर पक्राउ परेका हुन् । उनलाई सोमबार ललितपुरको भैंसेपाटीबाट पक्राउ गरिएको धनुषा प्रहरीले जनाएको छ । धनुषाका प्रहरी उपरीक्षक भुवनेश्वर तिवारीले ठाकुरलाई धनुषा ल्याउने तयारी भइरहेको जानकारी दिए ।
गत भदौ महिनामा निर्देशक ठाकुरसहित ५ जनामाथि सो मुद्दा दर्ता भएको थियो ।
लेखापाल सावित्री गिरी, प्रशासान प्रमुख जितेन्द्रकुमार यादव र जिन्सी शाखा प्रमुख मदनकुमार चौधरमाथिसमेत मुद्दा दर्ता भएको छ । उनीहरु फरार रहेको र उनीहरुको पनि खोजी भईरहेको प्रहरीले जनाएको छ ।
सम्बन्धित खबर
