जनकपुरधाम । महोत्तरीमा सक्रिय रहेका जेन–जी युवाहरूले स्थानीय तहमा देखिएका विभिन्न समस्याहरुको समाधानका लागि प्रमुख जिल्ला अधिकारी र प्रादेशिक अस्पताल जलेश्वरका प्रमुखलाई छुट्छुछै ज्ञापनपत्र बुझाएका छन् ।
स्थानीय तहका देखिएका समस्या समाधानको लागि तत्काल दबाब दिने उदेश्यले उनीहरु बिहिवार महोत्तरीका प्रमुख जिल्ला अधिकारी इन्द्रदेव यादव र प्रादेशिक अस्पताल जलेश्वरका निमित्त प्रमुख डा. विकासकुमार साहलाई छुट्टाछुट्टै ११ बुँदे ज्ञापनपत्र बुझाएका हुन् ।
जलेश्वर नगरपालिका र प्रादेशिक अस्पताल परिसरको अव्यवस्था, फोहर समस्या, मणिपाल जग्गा प्रकरणमा पारदर्शिता, सार्वजनिक सरोकारका मुद्दा, हाटबजार ठेक्का प्रक्रियामा अपारदर्शिता तथा सडक मर्मतमा बेवास्ता गएिको उनीहरुले बुझाएको ज्ञापनपत्रमा उल्लेख्छ ।
जेन–जीहरुले बुझाएको ज्ञापनपत्र बुझदै प्रमुख जिल्ला अधिकारी यादवले उठाइएका मुद्दा सम्बन्धित निकायमा पठाइने तथा आवश्यक समन्वय गरिने आश्वासन दिए । त्यस्तै, प्रादेशिक अस्पतालका निमित्त प्रमुख डा. साहले अस्पतालमा सुधारका काम क्रमिक रूपमा भइरहेको र अझ त्यसमा सुधार गर्दै जाने आश्वासन दिएको उनीहरुले बताए ।
सम्बन्धित खबर
