जनकपुरधाम । जनता समाजवादी पार्टी (जसपा) नेपालको प्रथम महाधिवेशन पदाधिकारीसहित केन्द्रीय कार्यसमितिको सर्वसम्मति गठन गर्ने अधिकार अध्यक्ष उपेन्द्रलाई दिदै सम्पन्न भएको छ ।
महाधिवेशनमा २० पदाधिकारीसहित २०१ जनाको केन्द्रिय कार्यसमितिको लागि ३७२ जनाले उम्मेदवारी दिएका थिए । अध्यक्ष यादवको विपक्षमा कसैले उम्मेदवारी नदिएपछि उनी बुधवार नै निर्विरोध निर्वाचित भएका थिए । बाँकी पदमा बुधवार विहान ९ बजेदेखि सहमति खोज्ने प्रयास भएको थियो । तर आकांक्षी बढी रहेकोले तत्काल सहमति हुने सम्भावना नदेखेपछि अध्यक्ष यादवले महाधिवेशन प्रतिनिधी तथा उम्मेदवारलाई सम्बोधन गरेका थिए ।
सम्बोधनमा अध्यक्ष यादवले वर्तमान परिवेशना सर्वसहमति पदाधिकारी छनौटको विकल्प नरहेकोले त्यसमा सहयोग गर्न आग्रहा गरे । निर्वाचन पक्रियाबाट खण्डमा सक्षम,समावेशी तथा क्रियाशिल टिम बन्न नसक्ने भएकोले भन्दै अध्यक्ष यादवले सर्वसहमतिमै पदाधिकारी र सदस्यहरु टुंगो लगाउनुपर्ने भएकोले तपाईहरुको सहयोग आवश्यक रहेको प्रस्ताव राखेका थिए । त्यसपछि अध्यक्ष यादवको प्रस्तावलाई स्वीकार गर्दै सबै उम्मेदवारहरुले आफ्ना उम्मेदवारी त्याग गर्न सहमत भएका थिए ।
केन्द्रिय कमिटि छनौट गर्ने सम्पुर्ण अधिकार अध्यक्ष यादवलाई दिदै महाधिवेशन सम्पन्न भएको पार्टी प्रवक्ता तथा प्रदेश सासद मनिष सुनमले बताए । पार्टी विभाजनको एक महिना पछि नै महाधिवेशन भएको र यस्तो अवस्थामा पार्टीका सक्रिय नेता तथा समक्ष नेता हारेको खण्डमा पार्टीलाई क्षति पुग्ने उदेश्यले अध्यक्ष यादव आफ्नो हातमा अधिकार लिएको बताईएको छ ।
सम्बन्धित खबर
