जनकपुरधाम । पुर्व प्रधानमन्त्री डा.बाबुराम भट्टराई नेतृत्वको नेपाल समाजवादी पार्टीको भातृ संगठन नेपाल समाजवादी मुस्लिम संघको संजोजकमा इदरीस राईनलाई सर्वसहमति चयन गरिएको छ ।
शनिवार काठमाण्डौमा भएको नेपाल समाजवादी मुस्लिम संघको दोस्रो भेलाबाट राईनको संजोजकमा चयन गरिएको हो । भेलाबाट राईनको संयोजकत्वमा संघको ९ सदस्य सचिवालय कमिटि र ५१ सदस्यीय केन्द्रिय कार्यसमिति समिति समेत गठन गरिएको छ । सो अवसरमा पर्साका जसपा पार्टीका युवा नेता अजाज हुसेन मुकेरी र बर्दियाका सुदिप यादव पार्टी परित्याग गरि नेपाल समाजवादी पार्टीका प्रवेश गरेका छन् ।
उनीहरुलाई नेपाल समाजवादी पार्टीका सहअध्यक्ष दुर्गा सोम, पार्टी सचिव इश्वर रिजाल, नेपाल समाजवादी मुस्लिम संघका इन्चार्ज अब्दुल मोबिन खानले पार्टीका स्वागत गरेका थिए ।
प्रदेश सभा प्रत्यासी समेत रहेका संयोजकत्व राईन लामो समयदेखि राजनीतिमा सक्रिय रहेका छन् । संयोजकको जिम्मेवारी पछि नेता राईनले देशभरि नेपाल समाजवादी मुस्लिम संघको संगठन विस्तार गर्ने बताए ।
