जनकपुरधाम । मधेश प्रदेशका मुख्यमन्त्री सतिश कुमार सिंहले चौथो पटक सरकार विस्तार गरेका छन् ।

मंगलवार मुख्यमन्त्री सिंह सत्तासाझेदार दलसहितबाट ५ जना राज्यमन्त्री थप परेका छन् । यो सँगै मधेश प्रदेश सरकार २० सदस्यीय पुगेको छ ।जुन अहिले सम्मकै उच्च संख्याको रहेको छ ।
मुख्यमन्त्री सिंहले नेपाली कांग्रेसबाट २ जना र जनमत, नेकपा एमाले र लोसपाबाट १÷१ गरी पाँच राज्यमन्त्री थप गरेका छन् । काँग्रेसबाट भुमि व्यवस्था कृषि तथा सहकारी राज्यमन्त्रीमा रेखा ठाकुर र उर्जा सिचाई तथा खानेपानी राज्यमन्त्रीमा निलम रजकलाई नियुक्त गरेका छन् ।

त्यसैगरि, लोसपाबाट शिक्षा तथा साँस्कृति राज्यमन्त्रीमा रामबाबु यादव र जनमतबाट उद्योग वाणिज्य तथा पर्यटन राज्यमन्त्रीमा सम्भु साहलाई नियुक्त गरिएको छ ।

त्यसैगरि, नेकपा एमालेबाट भौतिक पुर्वाधार विकास राज्यमन्त्रीबाट मोहम्मद जयद आलमलाई नियुक्त गरिएको छ । उनी यस अघि प्रदेशकै मन्त्री भएका नियुक्त भएका थिए ।

उनीहरुलाई मुख्यमन्त्री सिंहले आजै पद तथा गोपनियताको सपथ गराएका हुन् । यसअघि नेकपा एमालेबाट दुई जना राज्यमन्त्री भईसकेका छन् । मधेशमा मुख्यमन्त्री कार्यालयसहित १३ मन्त्रालय छ ।