जनकपुरधाम । संघीय सरकारको गठबन्धन पुनः फेरिने हल्ला चलिरहेको वेला नेपाली काँग्रेसका प्रवक्ता डा.प्रकाश शरण महतले वर्तमान गठबन्धन २०८४ को चुनाव सम्म कायम रहने दावि गरेका छन् ।
बुधवार जनकपुरमा नेपाल प्रेस युनियन धनुषाले आयोजना गरेको पत्रकार सम्मेलनमा प्रवक्ता महतले नेपाली काँग्रेस र नेकपा एमालेसहितको गठबन्धन २०८४ को चुनाव सम्म कायम रहने बताए । काँग्रेस र एमाले बीच भएको ७ बुँदे सहमतिको चर्चा गर्दै उनले भने,‘ एमालेका अध्यक्ष केपी शर्मा ओलीको नेतृत्वमा २ वर्ष र काँग्रेस सभापति शेरवहादुर देउवाको नेतृत्वमा १ वर्ष संघीय सरकार रहने सहमति भएको छ । यो सहमतिबाट काँग्रेस पछाडि हटदैनन् ।’
पार्टी भित्र युवाहरुलाई नेतृत्व दिनुपर्छ भने अवाज उठिरहेको विषयमा संचारकर्मीहरुले राखेको जिज्ञसामा प्रवक्ता महतले भने,‘यो नियर्थक वहस हो । यसको अहिले औचित्य छैन । पार्टी वा सरकारको नेतृत्व समक्ष व्यक्तिले गर्ने हो । यसलाई उमेरले छेकवार गर्दैनन् । गिरिजाबाबु ८७ वर्षको उमेरमा पनि पार्टीको नेतृत्व गर्नुभएको थियो । यो कुरा कसैसँग छुपेको छैन । त्यसकरण अहिले उमेरलाई लिएर अनावयश्क कुरा गर्नुको कुनै अर्थ छैन ।’
मुलुकमा देखिएको आर्थिक तरलता, आर्थिक मन्दीको समस्या समाधान गर्न राजनीतिकर्मी,कर्मचारीलाईसहितले इमन्दार हुनुपर्नेमा पुर्व अर्थ मन्त्री समेत रहेका महतले बताए । तीनै तहको सरकारले अनावश्यक खर्च कटौति गर्नुपर्ने उनले बताए ।
