काठमाडौं । सुनको भाउमा रेकर्ड कायम राखेको दोस्रो दिन शुक्रवार (आज) तोलामा १ हजार ४०० रुपैयाँ घटेको छ ।नेपाल सुनचाँदी व्यवसायी महासंघका अनुसार आज सुनको भाउ तोलाको १ लाख ६ हजार १०० रुपैयाँ कायम भएको छ । बिहीवार (हिजो) यसको मूल्य अहिलेसम्मकै सर्वाधिक कायम हुँदा प्रतितोला १ लाख ७ हजार ५०० रुपैयाँ तोकिएको थियो । सुनसँग चाँदीको भाउ पनि घटेको छ । आज चाँदीको भाउ तोलामा ३० रुपैयाँ घटेर १ हजार ३६५ रुपैयाँ कायम भएको छ । हिजो चाँदी प्रतितोला १ हजार ३९५ रुपैयाँमा कारोबार भएको थियो ।